რა? სად? როდის?

სამოქალაქო კლუბის ბავშვებმა, მონაწილეობა მიიღეს სიქას მიერ ორგანიზებულ შეხვედრაზე თამაშის რა? სად? როდის? დამფუძნებელ და ორგანიზატორთან გიორგი მოსიძესთან.

შეხვედრა ირინა ფრუიძესთან

ქ.რუსთავის №7 საჯარო სკოლის სამოქალაქო კლუბის წევრები სიქას ორგანიზებით ქ.რუსთავის ჩართულობის ცენტრში  ვმონაწილეობდით ქ. ირინა ფრუიძის მიერ ჩატარებულ ტრენინგში სამოქალაქო აქტიურობის თემაზე.

შეხვედრა დათო ტურაშვილთან

კლუბის წევრები ვიმყოფებოდით "USAID"–ის ოფისში და ვესწრებოდით საინტერესო შეხვედრას დათო ტურაშვილთან.

სამოქალაქო კლუბმა "ერთობამ" ჩაატარა გამოკითხვა არასრულწლოვანთა ტოტალიზატორში თამაშის შესახებ. როგორც ჩანს ჩვენი ქალაქის 96% თვლის რომ მოზარდების თამაშმა ტოტალიზატორებში შესაძლებელია ფატალურ შედეგამდე მიიყვანოს არამარტო კონკრეტული პიროვნება არამედ გააუბედუროს ოჯახი, ნათესაობა და ქვეყანა.

ქ.რუსთავის №7 საჯარო სკოლის სამოქალაქო კლუბის წევრები ვიყავით თბილისის სახელმწიფო უნივერსიტეტში და მონაწილეობა მივიღეთ დებატების ტურნირში.
ასევე ბავშვებმა მონაწილეობა მიიღეს უნივერსიტეტის ეზოს დასუფთავებაში.

"ერთობის" წევრები ვიმყოფებოდით  საქართვლოს ბუნებისა და გარემოს დაცვის სამინისტროში, შევხვდით მინისტრს და ვესაუბრეთ მას საქართველოში გარემოს დაცვის პრობლემებზე.

NATO-ს იმიტირებული სამმიტი

2013 წლის 17-18-19 მაისს ივანე ჯავახიშვილის სახელობის სახელმწიფო უნივერსიტეტში ევროინტეგრაციის სახელმწიფო მინისტრის პატრონაჟით ჩატარდა NATO-ს იმიტირებული სამმიტი, რომლის მოსამზადებელი სემინარები ჩატარდა უნივერიტეტში, ხოლო იმიტირებული სამმიტი გაიმართა ქორთიარდ მარიოტის საკონფერენციო დარბაზში.
იმიტირებულ სამმიტზე მონაწილეობდნენ ჩვენი სკოლის მოსწავლეები, ხოლო აქტიური მონაწილეობისათვის ორენოვანი სერტიფიკატები გადაეცათ მე-10 კლასის მოსწავლეებს  გიორგი ბრეგვაძეს და თეონა ნინოშვილს

კარლ პოპერის დებატები

პოლიტიკური ფორმატის კარლ პოპერის  დებატების შესასწავლად საქართველოს ბავშვთა ფედერაციის მიერ ორგანიზებულ ტრენინგზე 2013 წლის 5-10 მაისს ბაკურიანში იმყოფებოდნენ სამოქალაქო კლუბის მეურვე ვაჟა ქარუხნიშვილი და კლუბის ლიდერი ბექა ფოჩხიძე. ტრენინგში აქტიური მონაწილეობისათვის ვაჟა ქარუხნიშვილს მიენიჭა პოლიტიკური ფორმატის კარლ პოპერის  დებატების ტრენერის კვალიფიკაცია და გადაეცა შესაბამისი სერტიფიკატი. სერტიფიკატი გადაეცა აგრეთვე კლუბის ლიდერს ბექა ფოჩხიძეს. ამჟამად სკოლაში ფუნქციონირებს კარლ პოპერის პოლიტიკური ფორმატის დებატ-კლუბი, რომლის წევრებიც მიწვეულები არიან საქართველოს ჩემპიონატზე, რომელიც გაიმართება 2014 წლის მარტის შუა რიცხვებში